ទម្រាំទទួលបានប្រជាប្រិយលើសិល្បៈ ខាយ ទម្លាយអាជីពដំបូងគឺលោតម៉ុងសាយ បានកម្រៃមួយថ្ងៃជាង ២ ម៉ឺនរៀល

បន្ទាប់ពីបានប្រឡូកក្នុងវិស័យមួយរយៈពេលធំ លោក Kai កាន់លេចធ្លោកាន់តែខ្លាំងទៀតក្នុងការដណ្តើមយកប្រជាប្រិយភាពពីសំណាក់មហាជនអ្នកគាំទ្រ។ ក្នុងនោះតារាប្រុសរាងខ្ពស់រូបនេះ ក៏បានអង្រួនយកបេះដូងអ្នកគាំទ្រ ជាពិសេសនារីៗជាមួយនឹងរូបសង្ហារបស់លោក និង ទេពកោសល្យផ្នែកលេងហ្គីតាផងដែរ ។

យ៉ាងណាមិញ មុននឹងឈានក្លាយទៅជាតារារះអណ្តែតនៅក្នុងវិថីសិល្បៈ កន្លងមកលោក ខាយ ក៏ធ្លាប់បានទម្លាយមកហើយដែរ ពីជីវិតឯកជនរបស់លោកក្នុងគ្រួសារដែលធ្លាប់ជួបភាពលំបាកមួយចំនួន។ លើសពីនោះ ថ្មីៗនេះលោកក៏បានប្រាប់ពីមុខរបរដំបូង ដែលលោករកប្រាក់បានពីកម្លាំងញើសឈាមខ្លួនឯងថែមទៀតផង។

លោក ខាយ បានឱ្យដឹងថា ការងារដំបូង និង ប្រាក់ខែដំបូងដែលលោកទទួលបានកាលនៅឯស្រុកកំណើតក្នុងក្រុងប៉ោយប៉ែតនោះ គឺការលោតម៉ុងសាយ ដោយកាលនោះក្នុងមួយថ្ងៃរកបានប្រាក់ចំនួន ២០០ បាត ដែលប្រហែលជាជាង ២ ម៉ឺនរៀលប៉ុណ្ណោះ៕